Autor: Boralda Lala

Sherbimet dhe programet baze

Rrjeti i Animatorëve Socialë APA (4)

28 Dhjetor, 2020

Rrjeti profesional i animatorëve socialë, përveç në Tiranë dhe Korçë, është zgjeruar tashmë edhe në qytetin e Durrësit. Ftojmë çdo të ri apo të re që ka dëshirë të zhvillojë aftësitë në punën me fëmijët, të bëhet pjesë e programeve tona dhe njëkohësisht pjesë e bashkëpuntorëve tanë. Me poshtë përshkruhet profili i Lenxës dhe Nesidës:

Thëllënxa Hersi

Thëllënxa është diplomuar në BA në degën psikologji-sociologji dhe ciklin e dytë të studimeve master profesional në Shërbim Social Komunitar. Ka dhënë gjithmonë kontributin vullnetar në CSDC Durrës për të qenë më afër komunitetit. Ka punuar si punonjëse sociale në Medpak. Gjithmonë puna saj dhe dëshira vazhdon të mbetet puna me fëmijet .Thëllënxa është optimiste, bashkëpunuese , e ndershme çka e ben atë të arrijë objektivat me fëmijët dhe ti kënaqë ato, sepse i do shumë fëmijët. Thëllënxa punon si mësuese ndihmëse me nxënës me nevoja të vecanta . Ndaj dhe kursi i animatorit social e përvetëson më së miri dhe ia bën punën më të bukur nxënësve nëpërmjet lojrave për të pasur gjithëpërfshirje dhe për t’u zhvilluar potencialisht e duke ndikuar kështu në mirëqenien psikosoicale të nxënësve në ambjentin e shkollës dhe jo vetëm.

Nesida Xhaferri

Nesida është diplomuar në profilin Gjuhë-Letërsi. Është e përgjegjshme dhe përshtatet lehtë duke mësuar, zgjidhur probleme e marrë vendime . Ajo përpiqet maksimalisht për të qenë koherente dhe gatshme për të arritur rezultatet e dëshiruara. Kursi i animatorit social është një kurs së cilës e nxiti të punojë me femijët. Së fundmi Nesida punon si mësuese ndihmëse në qytetin e Durrësit me nxënës me nevoja të veçanta dhe vështirësi në të nxënë . Roli i animatorit social ia ben punën më të këndshme dhe i gezon femijët me lojrat duke zhvilluar tek ata një frymë dashurie dhe optimiste për zhvillimin e tyre psiko-social. Gjithashtu për Nesidën, lojërat janë një mjet shumë lehtësues jo vetëm profesionalisht në punën me fëmijët, por edhe gjatë prindërimit të saj. E ku ka më bukur se një mami që di edhe të organizojë lojëra.

Artikuj, Blog

Si të ruajmë rutinën e fëmijëve gjatë festave e pushimeve të dimrit?

23 Dhjetor, 2020

Shumë prej nesh mund të biem dakord se gjatë sezonit të festave dhe pushimeve të dimrit, e gjithë puna e prindërve për të ndërtuar një rutinë tek fëmijët gjatë gjithë vitit, mund zhbëhet lehtësisht. Pavarësisht nëse jeni duke qëndruar në shtëpi për pushime, ose po largoheni për të eksploruar, pushimet me fëmijët kanë të bëjnë me planifikimin e hapësirave të shkurtra të vëmendjes dhe krijimin e mënyrave për t’i mbajtur ata të zënë, ndërsa ju ndjeni nevojën për tu ç’lodhur nga angazhimet e vitit. Pushimet duhet të jenë argëtuese dhe relaksuese, megjithatë shumë fëmijë përfitojnë nga prishja e rutinës, prandaj qëndroni në disa çështje themelore për t’i ndihmuar fëmijët të përshtaten sa më mirë gjatë kësaj periudhe. Disa këshilla për t’ju ndihmuar t’i përmbaheni një programi ditor janë përshkruar në vijim:

1. Jepni përparësi gjumit. Fëmijët e lodhur kanë tendencë të bëhen të grindavec, hiperaktivë dhe lehtësisht të frustruar. Një ose dy netë të qëndruarit zgjuar deri vonë mund të jenë të tolerueshme ose pothuajse të pashmangshme në këtë kohë të vitit, por në përgjithësi, do të ishte më e përshtatshme ruajtja e një orari të rregullt të gjumit dhe zgjimit.

2. Hani shëndetshëm. Sigurohuni që e gjithë familja konsumon një mëngjes dhe drekë të shëndetshme çdo ditë. Ofrojuni fëmijëve fruta, perime dhe ushqime të tjera të shëndetshme përpara se të shkoni në një festë. Në këtë mënyrë, ata do të kenë më pak hapësirë në stomakun e  tyre për të shijuar biskota, ëmbëlsira dhe ushqime të tjera.

3. Ushtrohuni. Sigurohuni që fëmijët tuaj të qëndrojnë aktivë gjatë pushimeve dhe të kenë kohë të mjaftueshme për të vrapuar. Ju mund të vizitoni së bashku një park lojërash afër shtëpisë ose të kënaqeni me ndonjë argëtim në natyrë.

4. Mos u jepni atyre shumë kohë në kompjuter / ekran. Të luajturit në një tablet duket një mundësi shumë e lehtë për t’i mbajtur fëmijët të zënë gjatë gjithë pushimeve. Kjo u jep prindërve pak kohë për veten dhe fëmijët duket se janë përgjithësisht të lumtur. Në fakt ju mund t’i stimuloni fëmijët tuaj në mënyra të tjera si lojërat në oborr, aktivitetet në shtëpi apo thjesht ruajtja e rutinës së fundjavave të zakonshme.

5. Gjeni kohë për të luajtur së bashku. Krijoni kohë për të luajtur në shtëpi dhe për t’u çlodhur të gjithë së bashku. Fundja pushimet dhe festat nënkuptojnë pikërisht familje.

P.s. Mos harroni të jeni fleksibël dhe mos u shqetësoni shumë nëse gjërat nuk shkojnë siç janë planifikuar. Gëzuar!

Burimi: https://royalexaminer.com/5-tips-for-maintaining-kids-routines-during-the-holidays/ https://www.creatingchange.net.au/benefits-children-routine-school-holidays/

Blog

A duhet të flasim me fëmijët për babagjyshin?

16 Dhjetor, 2020

Festat e fundvitit sjellin magjinë e dritave, dhuratave e bashkë me to ndonjëherë edhe dilemën e prindërve për mënyrën e të trajtuarit të figurës së babagjyshit me fëmijët e tyre. Një pjesë e prindërve, me të drejtë mendojnë se nuk duhet t’i gënjejmë fëmijët për asgjë, përfshirë këtu edhe ardhjen e babagjyshit me dhurata. Pjesa tjetër, përsëri me të drejtë mendon se magjia festive qëndron pikërisht tek elementët e veçantë si babagjyshi, dhuratat, koha e kaluar me familjen e përkujdesja ndaj më të dashurve. Zgjedhja mbetet e prindërve, megjithatë ekspertë të ndryshëm, këshillojnë disa mënyra sesi mund të trajtohet me fëmijët koncepti i babagjyshit.

  1. Shpjegohuni se babagjyshi është një simbol.

Thohuni diçka të tillë si, “Babagjyshi që ju shihni në libra, filma dhe në dyqane është një person i veshur me një kostum. Njerëzit vishen me kostume babgjyshi për të na kujtuar:

  • dikë që jetoi shumë kohë më parë e quhej Shën Nikollën dhe fshehurazi u jepte para njerëzve që kishin nevojë për to (rrëfeni historinë).
  • të jemi të mirë dhe zemërgjerë ndaj pjestarëve në familje apo edhe jashtë familjes, veçanërisht njerëzve që kanë më pak se ne.

2. Ruani magjinë

Ju dhe fëmijët tuaj përsëri mund të vazhdoni të luani “lojën e babgjyshit” nëse dëshironi. Tregohuni se, edhe pse babagjyshi nuk është një person i vërtetë, ne përsëri mund të pretendojmë se ai është i vërtetë sepse është kënaqësi të përdorim imagjinatën tonë dhe të besojmë në magji. Pyesni fëmijët tuaj:

  • A do të pëlqente t’i shkruaje babgjyshit një letër dhe t’i tregosh se çfarë do të doje për festa?
  • A do të pëlqente të linim jashtë derës së shtëpisë pak qumësht dhe biskota për babagjyshin dhe një karotë për drerin e tij Rudolph në prag të Krishtlindjes?
  • A do të doje të uleshe në prehrin e babgjyshit dhe t’i tregosh se çfarë do të doje për festa?

3. Mos prishni magjinë e të tjerëve

Disa prindër shqetësohen se fëmija i tyre do t’u thotë fëmijëve të tjerë se “Babagjyshi nuk është i vërtetë” dhe ata do të duhet të durojnë zemërimin e prindërve të tjerë. Shpjegojuni fëmijëve tuaj në këtë mënyrë:

  • Thuaj: “Disa fëmijë dhe të rritur mund të mendojnë ndryshe për babagjyshin sepse ata duan të luajnë lojën e babagjyshit. Është normale që njerëzit të mendojnë ndryshe për gjëra të ndryshme. Ju mund të bashkoheni në lojë nëse dëshironi  (mund të jetë kënaqësi të përdorni imagjinatën tuaj dhe të shtireni ) ose mund të qëndroni larg saj. Ju nuk keni nevojë t’u thoni njerëzve të tjerë se ‘Babagjyshi nuk është i vërtetë’ sepse të gjithëve u pëlqen të shtiren ndonjëherë, ashtu si ti kur luan me lodrat e tua dhe pretendon se janë e vërtetë”.
  • Nëse fëmija juaj po debaton me një fëmijë tjetër nëse Santa është i vërtetë, thoni “Ti mendon se babagjyshi është i vërtetë, kurse ti mendon se babgjyshi nuk është i vërtetë. Kjo është shumë interesante! Dy njerëz besojnë në dy gjëra të ndryshme. ” (ftojini të ndajnë mendimet me njëri-tjetrin).

Shpresojmë që këto mini skenare të jenë të dobishme për t’i përdorur dhe përshtatur me familjen tuaj.

Cilat janë mendimet tuaja? Si përshtatet kjo qasje me vlerat tuaja familjare? A mendoni se prish magjinë e festave kur themi të vërtetën për babagjyshin? Na shkruani në info@apa.al për praktikat apo mënyrat tuaja në lidhje me trajtimin e konceptit të babagjyshit. Mezi po presim të lexojmë historitë tuaja!

Burimi: https://www.happilyfamily.com/how-to-tell-kids-the-truth-about-santa/?utm_campaign=later-linkinbio-happily.family&utm_content=later-12464652&utm_medium=social&utm_source=instagram

Artikuj, Blog

Fëmijë hiperaktivë, si t’i ndihmojmë?

8 Tetor, 2020

Shumë prindër shprehen se janë të tejlodhur e të dorëzuar ndaj hiperaktivitetit të fëmijës së tyre. “Ai nuk përqëndrohet; ajo nuk e përfundon detyrën e shtëpisë; ai nuk më dëgjon; ajo shpërqëndrohet shumë lehtë; ai më vë në siklet para kolegve apo të afërmve, ajo është agresive; ai nuk e njeh rrezikun, ajo është impulsive” janë fjalitë më tipike të prindërve.

Fëmijët hiperaktivë kanë vështirësi në kryerjen e funksioneve ekzekutive të tilla si: aftësia për të menduar dhe planifikuar paraprakisht, aftësia për të organizuar, vështirësi për të kontrolluar impulset apo vështirësi për të përfunduar detyrat.

Kini parasysh, fëmijët tuaj nuk janë “të këqinj” dhe as ju nuk keni dështuar në prindërim. Këshilla sesi mund t’u vijmë në ndihmë fëmijëve hiperaktivë listohen në vijim:

  • Ji pozitiv dhe kujdesu për veten. Të kesh një fëmijë hiperaktiv është sfiduese. Kupto që sjellja e papërshtatshme e fëmijës, nuk është e qëllimshme. Kërko mbështetje nëse lodhesh.
  • Ndërto një sturkturë për fëmijën dhe zbatoje atë (organizo aktivitetet ditore dhe parapërgatite fëmijën për aktivitetin e radhës). Nëse është e nevojshme ndërto një skedë me aktivitetet e përcaktuara qartë të ditës apo javës. Përdor orën ose timer për të kaluar nga aktiviteti i lojës, tek detyrat apo vaktet e ushqimit. Krijoji një ambient personal për fëmijën ku mund të qetësohet.
  • Përfshije në aktivitete fizike ku mund të shkarkojë shëndetshëm energji përmes sporteve apo artit. Lojërat në natyrë (ngjyra jeshile e barit apo pemëve) janë mënyrë shumë e mirë për të çliruar energjitë e tepërta.
  • Kujdesu për rutinën e gjumit. Sigurohu që fëmija të flerë herët. Zhurmat e bardha, muzika qetesuese apo aroma të ndryshme si levando mund ta ndihmojnë fëmijën të qetësohet më lehtë.
  • Vendos pritshmëri dhe rregulla të qarta. Shpërble sjelljen e mirë dhe reago menjëherë ndaj sjelljes së papërshtatshme. Fokusohu në sjelljen e mirë dhe përpjekjet e fëmijës. Mos shpërble me ushqim apo lodra, por me lavdërim, privilegje apo aktivitete të preferuara. Ndrysho përforcuesit vazhdimisht që fëmija të mos humbasë interesin. Trego menjëherë pasojat e sjelljes së papërshtatshme. Demostro sjelljen e mirë.
  • Ndihmoje fëmijën të hajë shëndetshëm duke eleminuar ushqimet e gatshme apo të ngrënit para TV. Hiq kafeinën, shmang sheqernat apo edhe glutenin nga dieta e fëmijës.
  • Ndihmoje të socializohet me shokët. Mësoje si të jetë një dëgjues më i mirë, si të kuptojë gjuhën e trupit apo fytyrat e shokëve në situate të ndryshme. Përmes luajtjes së rolit, provoni situata të thjeshta në shtëpi, psh si të ftojmë një shok në lojë.

Artikuj, Blog

Si të ndihmojmë fëmijët të menaxhojnë ndjenjën e turpit?

1 Tetor, 2020

Dëshironi të bëni të skuqet një 5 ose 6 vjeçar? Thuaji se është i pashëm. Prezantojeni me shefin tuaj. Vini në dukje se sa e bukur është shoqja e tij e re. Po, në fakt është kaq e lehtë.

Sipas ekspertëve “Fëmijët e kësaj moshe janë të përqendruar në përshtatjen dhe mënyrën se si ata duken në sytë e bashkëmoshatarëve të tyre, kështu që të qenit ndryshe në çdo mënyrë tjetër mund të shkaktojë shqetësime”. Për më tepër, parashkollori dhe shkolla vjen me rregulla dhe detyra të reja. Disa fëmijë kanë turp kur bëjnë një gabim.

Kur janë të vegjël, fëmijët janë paksa ekzibisionistë, pra ata mund të vrapojnë nëpër shtëpi të zhveshur e të argëtohen me faktin që janë pa rroba. Ndërsa rriten, ata kuptojnë së pjesët e tyre intime, iu përkasin vetëm atyre. Po ashtu edhe funksione të bezdisshme të trupit. Një fëmijë në kopësht nuk do të donte kurrsesi që shokët të kuptonin se padashje trupi i tij çliroi gazra.

Ndërsa ndjenja e turpit mund të jetë edhe një shenjë pozitive (tregon zhvillimin e standardeve personale), një fëmijë duhet të mësojë se si ta përballojë atë. Si mund të ndihmojmë të kthejmë një fëmijë me faqe të kuqe përsëri në zonën e rehatisë?

• Modeloni sjelljen reziliente.
Ndodh që edhe ne të rriturit të ndodhemi në situata të sikletshme, madje kur janë prezentë edhe fëmijët tanë. Në situata të tilla, ku vëmendja e fëmijëve është e gjitha mbi ne, mund t’ju shpejgojmë se edhe të rriturit bëjnë gabime në publik, por kjo nuk është fundi i botës. Duke modeluar sjellje të mira, ndihmoni fëmijët të rritin vetëbesimin e tyre. Po ashtu ndarja e historive tuaja personale kur jeni turpëruar nga diçka, mund t’i ndihmojë fëmijët të ndajnë ndjenjat e tyre me ju.

• Tregoni empati ndaj ndjenjave të fëmijëve.
Kuptoni se si fëmijët ndihen ndërkohë që fytyra e tyre është e kuqe dhe zemra rreh shpejt. Nxitini të përshkruajnë sesi po ndihen. Mos qeshni nësë fëmija ka nevojë për mbështetje dhe as mos e anashkaloni ndenjën e turpit me të cilën fëmija po përballet.

• Ndihmojini të menaxhojnë situatat e sikletshme.
Punoni bashkë mbi zgjidhjet. Nëse fëmija nuk do të shkojë përsëri në shkollë sepse është rrëzuar dhe shokët kanë qeshur, shpjegojini se të mosshkuarit në shkollë nuk është zgjidhje. Zgjidhje mund të jetë biseda me shokët mbi mënyrën si fëmija ndihet pasi ata qeshin apo tallet dhe se të gjithë mund të ndodhemi në një situatë të tillë. Përforco sjelljen pozitive duke shpërblyer përpjekjet e fëmijës.

Mos neglizhoni ndjenjat e turpit që fëmijët përjetojnë. Ato mund të çojnë drejt zhvillimit të ankthit social dhe gjatë viteve të shkollës drejt bullizmit.